ТЕАТАР 007 е основан во 1997 година како независна театарска институција, чија цел е афирмација и популаризација на вон-институционалното театарско работење и живеење во Скопје и Македонија. Репертоарот на ТЕАТАР 007 се состои од автори и дела кои ретко кога се поставувани на т.н. „железни репертоари“ на државните и други театри. На формален план, ТЕАТАР 007 ја негува современата, алтернативната и експериментална театарска естетика во која изобилува знаковноста, движењето, музиката, танцот, пантомимата како стилски изразни срества.

Во изминатите години од основањето до сега, ТЕАТАР 007 има забележано успеси на бројни домашни и меѓународни фестивали, меѓу кои во ИТФ на АИТА/ИАТА 2007 Јужна Кореа, „ИНТЕРРАМПА“  Литванија, „Фокус“ Австрија, „Сараевска зима“, БиХ, „Сценска Жетва “ Словачка, ИТФ АИТА/ИАТА 2009 Монако, „Стична Фест“ Словенија,  „Moscow International University Theatre Festival“Русија, „10 дена Крсманац“ Србија, „Време“ Бугарија, „Театрален куфер“ во Минск, Белорусија.